الامثال العامية في فلسطين

الامثال العامية في فلسطين
يقول الاستاذ مالينوسكي الانتروبولوجي: إذا أخذنا في الاعتبار الامثال فإن من الخطأ أن ننظر إليها على أساس أنها مجرد شكل من أشكال الفولكلور أو مستند أتوغرافي خاص بأحوال الشعوب، إنما هي في الواقع وعلى حد قوله عمل كلامي يدعو قوة معينة إلى التحرك، وفي اعتقاد الذين يصدر عنهم هذا الكلام أنه يؤدي إلى أقوى أنواع التأثير على مجرد الامور وعلى السلوك الانساني.
فالمعنى والغاية هما القاسم المشترك بين جميع أمثلة الشعوب في العالم. وهي وأن اختلفت في تركيب جملها أو في صلاحيتها أو مدلولها الحكمي أو الاختياري أو الساخر، تكون كتاباً ضخماً يتصفح فيه القارئ أخلاق الامة وعبقريتها وفطتنها وروحها.
والامثال عادة هي جمل قصيرة ولكنها نتجت عن خبرة طويلة، وقد ثبت صحتها الزمن ودونها في سجلاته ليصدرها في الوقت المناسب حكمة للشارع وانتقاداً لاذعاً للحياة.
هذا ومن خصائص تركيب الامثال سهولة اكتنازه في الذاكرة وسهولة تلفينه إلى المستمع ليعيده ويكرره.
ومن أفضل دراسات الآداب الشعبية والامثال منها بصفة خاصة ما جاءنا من مفكري السويد، ويلخص كارل باكستورم السويدي أهمية الامثال في النقاط الخمس التالية:
1.تتحدث الامثال عن سعادة من يتداولها وعن شقائهم وعن الغنى والفقر والشرق والخزي، والجمال، والقبح، والقوة، والضعف، والعظمة والوضاعة.
2.الامثال من الناحية العلمية تربح النفس وتسخر وتمدح، ثم تهزل في الوقت الذي تتضمن فيه أفكاره جادة.
3.تلقي الامثال الدروس بأسلوب من المرح الحاذق، وهي مليئة بكنوز من الاحكام السليمة، والحكمة العملية، والعدالة، والمشاركة العاطفية ثم السخرية اللاذعة الذكية.
4.تتكرر نفس الامثال عند شعوب العالم المختلفة، وأن لم يعبر عنها من الناحية الشكلية بنفس الالفاظ.
5.تستقبح الامثال الرذيلة، وتعلي من شأن الفضيلة، فهي بهذه الصفات ذات قيمة تهذيبية.
هذا وقد جمعت في كتابي هذا ما يقارب الثمانماية مثل وقد قرأتها على مسامع عدد الفلسطينيين المسنين، للتأكد من أنها متداولة في فلسطين وأنها مكررة بنفس الصيغة التي دونتها في هذا الكتاب. وقد قسمت الامثال في هذه المجموعة إلى المواضيع التالية:
1.أمثال تتعلق بالشهور والاعياد الموسمية.
2.أمثال تتعلق بالأعياد الموسمية.
3.أمثال ذكرت فيها اسماء مدن فلسطينية.
4.الموسيقى في الامثال العامية.
5.أمثال فيها سخرية ولكنها تزخر بالقيم الاخلاقية.
6.أمثال لها علاقة بالصحة.
وأود أن أعتذر للقارئ الكريم عن بعض الالفاظ غير المأنوسة التي اضطررت إلى أدراجها ضمن الامثال الشعبية في الكتاب لارتباط هذه الامثال بتراثنا الشعبي.

أمثال تتعلق بالشهور والفصول
شباط عدو العجائز.
شباط شبّط ولبط وريحة الصيف فيه.
شباط ما عليه رباط.
أمشي على غيم كانون ولا تمشي على نقا شباط.
ميّة نيسان بتحيي الانسان.
الشتوة بنيسان جواهر ما ألها اثمان.
بنيسان بتصير الدنيا عروس وبخففوا الناس الغطا والملبوس.
في تموز بتغلي الميه في الكوز.
آب اللهاب.
في آب أقطف أقطف ولا تهاب.
بعشرين آب أدخل الكرم ولا تهاب.
آذار يا ابن عمي أربعة منك وثلاثة مني.
آذار الهدار فيه الزلازل والامطار، وفي سبع ثلجات كبار غير الصغار.
آذار حبل ونيسان سبل.
خبي فحماتك الكبار لعمك آذار.
الدفا عفا ولو بعز الصيف.
أن قوست باكر خذ عصاتك وسافر وأن قوست مسيه دور لك ع مغاره دفهي.
سحابة صيف وبتمشي.
برد الصيف أحد من السيف.
الشتا ضيق ولو أنه فرج.
السنة ورا الباب.
في الصيف حريق وفي الشتا غريق.
في كانون كن وعلى الفقير حن.
خلط شعبان برمضان.
بكانون كون في بيتك وكتر حطبك وزيتك.
أيار توت ومشمش وخيار.
ما بين تشرين أول وتشرين تاني صيف تاني.
فش أنقى من قمر تشرين ولا أظلم من عتمة كانون.
أيلول طرفه بالشتا مبلول.
لو بدها تشتي غيمت.

أمثال تتعلق بالأعياد الموسمية
صلبّت خرّبت.
عيد التجلي بيقول للصيف ولي.
في عيد مار الياس حطب العنب للجلاس.
في عيد البرباره بتطلع الميه من خزوق الفاره.
بعد عيد الصليب كل أخضر بسيب
بعد خميس الغسل بيدفا كل مبرود.
في عيد مار ألياس بتتخلق الغيم في السما.
لا تسافر عن البلاد ما بين الغطاس والميلاد.

أمثال ذكرت فيها أسماء مدن فلسطينية
شروه ما حضرها نابلسي.
شو بال عكا من هدير البحر.
يا خوف عكا من هدير البحر.
خلف الله عليك يا بيت حنينا وشعفاظ بتنقط عنك.
ما بيطلع من بيت جالا مودن.
جاي تبيع السلق ع أهل السلوان.
بيقولوا عكا وخمه؟!!
وطلع زي مصيفين أريحا.
وطلع زي مصيفين الغور لا منهون ولا منهون.
سافري لعكا وراد ولا تأخذي رجال عنده ولاد.
لو كانت عكا خايفة من هدير البحر ما وقفتش ع الشط.
خذي ساحوري ولا تبوري.
خدي البت جالي ولا تضالي.
سلم واقفي عكاوي.

الموسيقى في الامثال الشعبية
ما بتسلمش سر، شاعر وبايده ربابه.
مثل ما طبلنا لهم زمروا لنا.
كل الناس رقصوا واحنا حطينا النقوط.
بيموت الزمار وأصبعه بيلعب.
ساعة الحظ ما بتفوتش.
لا تقول للمغني غني إلا ليجي كيفه.
بده عرس يرقص فيه.
اللي يطبل لك زمر له.
زقف له بيرقص.
خزقنا الدف وبطلنا الغناني.
ماشي ع دقه ونص.
موال براسه وبده يغنيه.
أول الرقص حنجله.
أبعد عن الشر وغني له.
بزمان الخير ما غنينا يا ليل.
بيرقص بلا دف.
بلحق ع النقارتين.
زاد في الطنبور نغم.
زمار وطبال ياما يشوفوا ليالي طوال.
ساعة لقلبك وساعة لربك.
الزمار بيعرف دار الطبال.
ما بيطلع من دار المطبلين غير المزمرين.
إله صوت بيرمي الطير.
صوته ملعلع للسما.
تسمع صوته وتقول نيالك يا أطرش.
جهازك ما أنزف برنيه وخلق دف.
وقت عرسك عيرني دفك.
فين كنت أيام الحصاد؟ كنت بغني قصائد.
مثل الطبل، بالليل تعليق وبالنهار تخبيط.
كنت ستها صرت أرقص بعرسها.
ولا غنية ما جوزت عريس ولا دعوه ما خزقت قميص.
قالوا للجمل زمر قال لا شفه مضبوطه ولا أصابع مفروقه.
القوي بده قوي والرقص بده حنجله.
على مين تقرأ مزاميرك يا داوود.
عاشر المصلي بتصلي وعاشر المغني بتغني.
شوارب كبار يا ع الطبال يا ع الزمار.
الرقاصة الغشيمه بتتحجج بقشة الحصيرة.
حس الطبل بودي لبعيد.

أمثال فيها سخرية ولكنها تزخر بقيم أخلاقية
الباس ما أله دكته بالفين.
يا داخل بين البصل والثوم بتطلع بالريحه المشومه.
سألوا البغل مين أبوك قال الحصان خالي.
ضربها أبو الحصيني عشرت.
زي فيران الخماره عمي وسكارى.
ضربوا اليهودي بطوس لبن قال من زمان أنا مشتهيه.
وين كانوا هالركاب لما كنا مكاريه.
وسعنا له دخل هو وحماره.
سافر وجاب.
المتعوس متعوس ولو علقوا على بابه فانوس.
صام وصام وأفطر على بصله.
حملوني وجملوني وع السفر ما ليش ليه.
قهوه حلوه والا مره وإلا بلاش من مره.
إذا أنت أمير وأنا أمير مين بيسوق الحمير.
شحاذ ومشارط!!.
طز طز وعينه ع الزلابيه.
اللي بيتسحي من بنت عمه بجبش ولاد.
الحب والحبل مثل الركوب ع الجمل.
بعدما شاب ودوه ع الكتاب.
تيتي تيتي مثل ما رحتي جيتي.
شعره من دقن الخنزير بركه.
الهوا السعدان بلقوق أحمر.
حطوه بالصدر لقوه بالعتبه.
كل وجه وما يلبق له.
الطويل هبيل.
مثل النقاش طول فيه وعقل ماش.
قد ما بيسمن الكلب ما بيتاكل لحمه.
اللي بخاف من القرد بيطلع له.
كلب خلف جرو طلع الجس من أبوه.
مثل اللي أسلم الظهر ومات العصر، لا عيسى شفع له ولا محمد دري فيه.
مثل البرغوت في اللبن.
مثل البس كيف ما رميته بيجي واقف.
مثل البوم ما بينعق إلا بالخراب.
مثل الحمام اللي مقطوعه ميته.
مثل الحية تحت التبن.
مثل الخاتم بالاصبع.
علينا التفكير وع الله التدبير.
نزل فلاح ع المدينة تحلى دبس وطحينه.
الهريبه تلتين المراجل.
هين قرشك ولا تهين نفسك.
هي ليله يا مكاري.
وجع ساعة ولا كل ساعه.
ما حدا بيقول عن زيته عكر.
ما حدا من الهم خالي.
ما لقوش بالورد عيب قالوا يا أحمر الخدين.
مش رمانه هذي قلوب مليانه.
مش كل مره بتسلم الجره.
مش كل من صف الصواني صار حلواني.
مطرح ما بترزق الزق.
معك قرش بتسوى قرش.
مين خلف ما مات.
مين شاف حبابه نسي صحابه.
مين شاب على اشي شاب عليه.
مين طلبه كله فاته كله.
من معرفته بالصحابه ترضى على عنتر.
منفعه ما منه دخانه بيعمي.
الموت مع الناس رحمه.
وجهك وإلا وجه القمر.
الوجه وجه حنه والقفا قفا كنه.
الوحده عباده.
وقعت البقرة وكتروا السكاكين.
الولد بيبكي يا جوع يا موجوع.
يا ماخذ القرد ع ماله بيروح المال وبيبقى القدر على حاله.
يا ما تحت السواهي دواهي.
يا ما هالجمل كسر بطيخ.
سألوه مين أحب أولادك قال: الصغير ليكبر والغريب ليحضر والمريض ليشفى.
يا متلنا تعوا لعنا.
يا ويل من كان علته مرته.
أوعد يهودي بالكفن بموت.
الشهر اللي ما ألكش معاش فيه ليش تعد أيامه.
الرزق بده نطه.
قال يا ابني شرفني قال ليموت اللي بيعرفني.
المكتوب مبين من عنوانه.
يا مسترخص اللحم عند المرق بتندم.
زي خيل الدواسه بتمشي بتمشي وهي مطرحها.
الولد ولد ولو صار قاضي بلد.
اللي فيها بيكفيها.
أزرع قمح بتلاقي قمح.
ما بجيب الرطل إلا الرطل ونص.
ما بيفل الحديد إلا الحديد.
أعمص وبتجصمص وبيشرب من رأس القادوس.
أعمص وبتجصمص وبيتغمز لضوء القمر.
الجاجه بتشرب وبتطلع لربها.
الدار دار أبونا وأجوا الغرب يطحونا.
من الدلفة لتحت المزراب.
عمر مديون ما نشنق.
أربط الحمار مطرح ما بيقولك صاحبه.
زي حمار المطران.
التلم الاعوج من التورة الكبير.
آمن بالحجر تبرا.
ابن آدم ما بتمليش عينه غير حفنه تراب.
ابن الحلال عند ذكره ببان.
أبيض من شق اللفت.
أتعب عالشي بتلاقيه.
أجا مين يعرفك يا بلوط.
أجا زبون العوافي.
أجت وجابها الله.
أخذ التار مش معيار.
مجنون يحكي أو عاقل يسمع.
إذا عملت معروف استره وإذا نلت معروف انشره.
إذا قيل الحيا قل البلاد.
الارض بتفرق ع شبر.
الارض الواطيه بتشرب ميتها ومية جارتها.
فرجي عذرك ولا تفرجي بخلك.
خلي العسل بجراره لتجي أسعاره.
دقه ع الحافر ودقه ع النافر.
جوزت بنتي لارتاح من بلاها اجتني واربعة من وراها.
صارت عظامه مكاحل ومصارينه حبال.
صراره بتسند خابيه.
الضرة مرة.
ع حجة الورد بيشرب العليق.
فايده ما منو دخانه بيعمي.
طلع تحت لساني شعر.
طويله ع رقبتك.
العتاب صابون القلب.
فرجاه نجوم الضهر.
عبدنا العجل.
العتب ع النظر.
الغنى بالغربه وطن والفقر بالوطن غربه.
العاده في البدن ما يغيره غير الكفن.
فروته بتجر للأرض.
قاطع شرش الحيا.
قرد موالف ولا غزال مخالف.
قلبي من الحامض لاوي.
كبر العمة ووسع الذمة.
كل عالم واله هفوة وكل جواد وإله كبوة.
كلها عجرة ولا يأكلها غيرك مستوية.
كما حنا كما حنين الله يلعن الجهتين.
الكنيسة القريبة ما بتشفي.
الخال مخلي والعم مولي.
قبل ما تدورلك على مره دور لابنك ع خال.
زوان بلاد ولا قمح الصليبي.
من طين بلادك حط ع خدادك.
لو بشوف الجمل حردبته كان بيوقع وبيكسر رقبته.
لعب الفار بعبه.
زبال وشاكل له ورده.
يا شايف الزول يا خايب الرجا.
واحد حامل ذقنه والثاني تعبان فيها.
اقرع ولحيته طويله.
البرطيل حل دكة القاضي.
رجع أيد من ورا وأيد من قدام.
ست وجارتين على قلبي بيضتين.
شافت الخنفس بنتها ع الحيط قالت لها: يسلملي بياضك ع سواد الحيط.
شايبه وعايبه.
شو نابك يا راعي الكلاب غير الهتيكه وتشقيق التياب.
فرمان كلاب مين يقر ومين يسمع.
من قلة الخيل دوا ع الكلاب سروج.
منين ما ضرب الاقرع سايل دمه.
واحد كسر أيده والثاني شحذ عليها.
فخار يكسر بعضه.
كلو البندق والعن الجوز.
22 سنة شحاذ مبعرفش أقول: حسنة لله.
مثل كلب الحداد ما بيقوم إلا وقت الاكل.
جبنا الاقرع ليونسنا كشفت طقيته وخوفنا.
أجوا ليحدوا الخيل مد الفار رجله.
كبر البصل وتدور ونسي زمانه الاول.
السكافي حافي والحايك عريان.
بحسب الباشا باشا لقيت الباشا زلمه.
أنا مغسل وإلا ضامن جنة.
ما حافظ من العشق إلا كلمة أوحشتونا.
قرعة بتجفف مجنونة والطرشة بتنصت ع الباب.
شو بدها تسوي الماشطة بها الوجه البشع؟
ما بتحط القنبرة إلا ع الحمير المضبرة.
مجنون رمى حجر ببير مية ما قدروا طلعوه.
الميت كلب والجنازة حامية.
أبليس ما بيخرب بيته.
بيفصل للبرغوت قميص.
بوس الكلب من تمه لتنول غرضك منه.
بيبلع الجمل وبيغص بالبرغشه.
بين حانا ومانا ضاعت لحانا.
دموع العواهر نواهر.
دموع الفاجرات ع الخدود حاضرات.
بموت اليهودي وخاطره في دينه.
الدبان بتعرف دقن اللبان.
راح جحا ليصلي لقا الجامع مسكر قال مليح اللي أجت منه ما أجت مني.
شو أحلى من العسل قال خل ببلاش.
بتقول له ثور بقوله أحلبوه.
معروف زي الثور الابرق.
مثل عروسة السوق غاوي وعيوق.
ما في شي ببلاش غير العمى والطراش.
ما بيعرف الطمس من الخمس.
طفران ملبي ما بيعلم في غير بي.
لوز ما تقشر وجوز ما تكسر وكول لتشبع.
عيش يا كديش ليطلع الحشيش.
كل عيله وألها بلاعه.
عاش ومات وقضى ومضى ومات طفران.
يهودي وقبضاي؟؟!!.
الحكي ما عليه جمرك.
الجمل ما بيشوف حردبته.
ما بيعرف الطينه من العجينه.
ذنب الكل بأعوج ولو حطيته بألف قالب.
صباحه بيقطع الرزق.
قال كيف حالك قال له قاعد بسلسل.
صباح القرود ولا صباح الاجرود.
كل فوله مسوسه والها كيال وكل كديشه وألها خيال.
مصفوفين زي أباريق المطهره.
عليه عين زي قرص الجبنه.
عليه مناخير زي كوز الصبر.
شعره ع شعره بتصير ذقن.
ساير العيار لباب الدار.
تراعيني قيراط براعيك قيراطين.
على قد الحال يابا جوزني.
دراهم ما دمت في دارهم.
كل يوم بيومه والرق على الله.

قالوا للحرامي أحلف قال قرب فرج الله.
الصباح رباح.
كل مين ع دينه الله يعينه.
لولا الغيرة ما حبلت النسا.
كما تراني يا حبيبي أراك.
ساير زمانك وأتهنى.
راحت السكره وأجت الفكره.
حاميها حراميها.
ناموسة هدت ع جاموسة.
الشجره اللي ما بتثمر قطعها أحلى.
كول كره وأرب كره ولا تعاشر كره.
عمر الشقي بقي.
المنطق سعادة.
أن كبر ابنك خاويه.
الموت كاس داير ع كل الناس.
الارض قفرة نفرة والمزار بعيد.
ورده بتخلف شوكه وشوكه بتخلف وردة.
قال يعلن اللي بيحكي على الناس قال له يلعن اللي بيخللي الناس تحكي عليه.
أن ضاعوا المخازن مخزنك عبك.
البخيل عدو الله.
الغيره من الاهل والحسد من الجيران.
الاجر بتدب مطرح ما بتحب.
شراية العبد ولا تربيته.
سلامة الانسان في حفظ اللسان.
مال الوقف بيهد السقف.
أصرف ما في الجيب بيجيك ما في الغيب.
أطعم التم بتستحي العين.
الاعاده فيها الافادة.
التكرار بيعلم الحمار.
أعط الاجير حقه قبل ما ينشف عرقه.
اللي أوله شرط آخرته رضا.
اللي بيحب الشي بيكتر منه.
اللي بيحط فلوسه بنت السلطان عروسه.
اللي بدك تصاهره ولا تقاهره.
اللي بده يناطح ما بيخبي قرونه.
اللي بيشوف مصيبه غيره بتهون عليه مصيبته.
اللي بيغربل الناس الناس بتنخله.
اللي بيكبر بشخته بيوقع.
اللي بياكل خبز السلطان بيضر بسيفه.
اللي بياكل العصي مش مثل اللي بيعدها.
اللي بيتجوز بالدين بيجوا ولاده بالفائظ.
اللي يسعدها زمانها بتجيب بناتها قبل صبيانها.
اللي بيحضر السوق ببيع وبيشتري.
اللي ما بيفهم بالوما الحكي معاه خسارة.
أمشي بجنازة ولا تمشي بجوازة.
أن عرف البدوي باب بيتك غيره.
أيد وحها ما بتصفق.
أصل الشر شرارة.
ناس بتاك لجاج وناس بتوقع بالسياج.
قال شو صبرك ع المر قاله الأمر منه.
أبعد عن الشر وغني له.
الكسل ما بيطعم عسل.
أسأل عن الجار قبل الدار.
الجار ولو جار.
النبي وصى ع الجار من دار لاربعين دار.
قال مين أدرى بحالك قال ربك وجارك.
جارك القريب ولا أخوك البعيد.
يا رب قيمنا يا رب حطنا يا رب خلينا ع ما احنا.
أن غاب عنك أصله دليله فعله.
اللي فات مات.
طمعجي بني له بيت فلسنجي سكن فيه.
خذ الاصيله ولو أنها ع الحصيره.
بيضرب كف وبعدل طقيه.
اللي بتسمطه الشوربا بينفخ ع اللبن.
عمر عدو جدك ما بودك.
الناس بالناس وألقطه بالنفاس.
اللي بيعمل جمّال بيوسع باب داره.
شو بده يعمل هالريح في هالبلاط.
امرأة الاب غضبه من الرب.
بوس الايادي ضحك ع اللحا.
الكبار بتاكل الحصرم والصغار بتضرس فيه.
لا تنام بين القبوو ولا تحمل أحلام مزعجه.
يا باحش جورز السّو يا واقع فيها.
سكر دارك وأمن جارك.
يا جار أنت بحالك وأنا بحالي.
كل فوله مسوسه وألها كيال أعور.
العنزه الجربا ما بتشرب ألا من رأس العين.
ضربن وبكى وسبقين واشتكى.
وقت ما كنت قدك كنت شامه ع خدك.
جاه حفرت ع رأسها طمرته.
لو بتجري جري الوحوش غير قرشك ما بتحوش.
عمر مقسم ما دخل جنه.
اللي بينام فيه بيصبح فيه.
اللي يحكي فيه بيحلم فيه.
دور مع الدرب ولو دارت.
الله بيعطي اللوز للي ما لوش سنان تكسره.
اللي بده يسكر ما بعدش قداح.
خبي قرشك الابيض ليومك الاسود.
بعد الكبره جبه حمرا.
عاشر القوم أربعين يوم بتصير منهم.
قال فاطمه بسوق الغزال.
لبس العود بيجود.
أسأل مجرب ولا تسأل حكيم.
صبح القوم ولا تماسيهم.
الساعي بالخير كفاعله.
كل جيل مع جيله يلعب.
قيس قبل ما تغيص.
أن عاشرت عاشر أمير، وأن لبست ألبس حرير، وأن عيروك بشي يكون يحرز التعبير.
كبير القوم خادمهم.
عصفور باليد ولا عشرة ع الشجرة.
لا برحمك ولا بخلي حدا يرحمك ولا رحمة الله تجي عليك.
اللي بيدحرج التسعه وتسعين بيدحرج الميه.
الكذب ملح الرجال.
أطهر أرض وأنجس قوم.
أعزب دهر ولا أرمل شهر.
أكثر من الهم ع القلب.
ألف قلبه ولا غلبه.
إله الكلب بعظمه.
اللي له عمر ما بتهينه شده.
اللي بتاجر بالارواح ما بكون نواح.
اللي بحب نفسه بتكرهو الناس.
اللي بدك تخدمه لازم تطيعه.
اللي بيدلل ع بضاعته بتكسد.
اللي بيكبر حجره ما بيصيب.
اللي بياكل هالأكلات بموت هالموتات.
اللي بيسرق بيضة بيسرق فرخة.
اللي ما بيغار بيكون حمار.
اللي ما بيقطع كلام الناس فيه ضرب السيف أولى فيه.
اللي من أيده الله يزيده.
أمل أبليس في الجنه.
الحب اوله دلع وآخره ولع.
بعد حشيشي ما ينبت حشيش.
يا أرض أشتدي ما ينبت حشيش.
يا أرض أشتدي ما عليك قدي.
بالمال ولا بالعيال.
بيت السبع ما بيخلى من العضام.
بيضة اليوم ولا جاجة بكهر.
حاميها حراميها.
حط رأسك بين الروس وقول يا قطاع الروس.
خبز الرجل ع الرجال دين وع الانذال صدقة.
خليها بالقلب تجرح ولا بين الناس تفضح.
الخير بالخير والبادي أكرم، والشر بالشر والبادي أظلم.
خير لا تعمل شر لا تلاقي.
دخلنا داركم وشفنا فشاركم وعرفنا عشاكم من عشا حماركم.
الدنيا بلا شراب خراب.
دوام الحال من المحال.
رضا الاب من رضا الرب.
الزائد أخو الناقص.
زيادة الخير خير.
السر في السكان مش في الدكان.
السيبه ما بتوقف إلا ع ثلاثة.
شاري سمك في بحر.
الشكوى لغير الله مذلة.
شو أعز من الولد قال ولد الولد.
شو بده الاعمي؟ قال قفه عينين.
اللي ببلاش كتر منه.
صاحب البيت أدرى باللي فيه.
صاحب الحاجه أرعن.
صاحبك اللي بدك تبقيه لا تأخذ منه ولا تعطيه.
صهر بيسند الظهر وصهر بجيب المجرفة للقبر.
صيت غنى ولا صيت فقر.
ضرب الحبيب زبيب وحجارته قطين.
الضرب في الميت حرام.
ضربوه على بطنه قال آخ يا ظهري.
طب الجرة ع تمها بتطلع البنت لأمها.
طبني طلبتك العافيه.
الطفر بيعمي البصر.
طنجرة ولقت غطاها.
ع قد بساطك مد رجليك.
عروس بمجلاها ما بيعرف مين بيتولاها.
عز نفسك تجها.
عقله برأسه بيعرف خلاصه.
على بخت الحزينة سكرت المدينة.
على عينك يا تاجر.
عمرك أطول من عمري.
عند العقرب لا تقرب وعند الحيه أفرش ونام.
العين بصيرة واليد قصيرة.
غاب القط ألعب يا فار.
غالي والطلب رخيص.
كرمال عين تكرم مرج عيون.
الغايب حجته معه.
الغربه كربه والفرقة مرة.
أن فاتك اللحم عليك بالمرق.
الفاجر أكل مال التاجر.
فاضي مشغول مثل أم العروس.
فرخ البط عوام.
قاضي الاولاد شنق حاله.
قالوا للحما ما كنت كنه قالت كنت ونسيت.
قالوا للمشنوق غطي سيقانك قال أن رجعت عاتبوني.
القرد بعين أمه غزال.
قوم يا عبدي تقوم معك.
كتر الشد بيرخي.
أكرام الميت دفنه.
الكرم ستار العيوب.
كل الدروب بتودي ع الطاحون.
كل ديك ع مزبلته بصيح.
كل شي في عند العطار ما عدا حبني بالغصب.
كل طلعه وقدامها نزله.
كل عرس وأله قرص.
كل عنزة معلقة بعرقوبها.
كل محجوب مرغوب.
كل مين همه ع قده.
كلب الامير أمير.
كلمة تباخذه وكلمة بتجيبه.
كلنا في الهوا سوا والطيب الله.
كله عند العرب صابون.
كيد الرهبان غلب كيد النسوان.
كيد النسا غلب كيد الرجال.
لا معلق ولا مطلق.
لا يموت الديب ولا تفنى الغنم.
لبس الاسمر أحمد وأضحك عليه.
لقمته مغمسة بالدم.
لولا الكاسورة ما عمرت الفاخورة.
لولا النواطير كانت الكروم بتحمل قناطير.
ما بتعرف خيره غير ما تجرب غيره.
ما بحن ع العود إلا قشره.
ما بيروح يوم وبيجي مثله.
ما بضيع حق وورأه مطالب.
ما بعد الصبر إلا الفرج.
ما بقي حيلته حيله.
ما باليد ولا حيله.
مال الحرام ما بدوم.
مال الدنيا وفي الدنيا.
اصلحتلي ولبقيت لك ووفق الدهر بيننا.
بيقتل القتيل وبيمشي بجنازته.
الي بيعرف بيعرف واللي ما بعرفش بقول كف عدس.
من طرق الباب سمع الجواب.
علمناه ع الشحاده سبقنا ع البواب.
ربيتك يا ولدي كل شبر بندر.
ما بحك جسمك غير ظفرك.
قالوا للجمل شو كارك قال بحيك حرير.
كتر النط بيقصف الرقبة (العمر).
ما بيبقى ع المدود إلا أوشم البقر.
العز للزر والبرغل شنق حاله.
ما معه أشي يتعشى بيشتري فجل ويتدشى.
جار النجار اللي نجر قبقاب العروس أجا ع العرس.
اللي ما أله خير في عتيقه ما أله خير في جديده.
موت الفتى في عزه مثل ليلة عرسه.
اشتغل الحد والعيد ولا تعوز أخوك السعيد.
ماتت الحماره وانقطعت الزياره.
اللي عنده فلفل بيرش ع العدس.
الطويله طالت القنينه والقصيره تحت حزينه.
لا قيني ولا تغذيني.
قالوا لجحا ليش قاعد باب الفرن قال الزرقه من هون.
من حب عبد عبه ومن حب حجر نقله.
هربنا من عزرائيل أجانا قباض الارواح.
قال نام لاذبحك قال منين يجيني النوم.
ع زبيبه سوى خماره.
طارت الطيور بارزاقها.
بيشوف القبه بحسبها مزار.
أكل ومرعي وقله صنعه.
أجير يسرق ولا شريك يحاسب.
ألف أم تبكي ولا أمي تنزل لها دمعه.
زمان ما أكلنا زلم.
اللي أصبعه بالمي مش متل اللي أصبعه بالنار.
اللي مش دايق المغرايه ما بيعرف شو الحكايه.
أكل الهديه وكسر الزبديه.
أكلة وتسمت عليك كول بحلق عينيك.
حبلى ومرضعه وقدامها أربعة وطالعه ع الجبل تجيب دوا للحبل.
راح العيد وفرحاته وأجا المعلم وقتلاته.
رجعت حليمه لعادتها القديمه.
ركبناه ورانا مد أيده ع الخرج.
زغير وفعله كبير زي شوكة الصبير.
الزقاق ضيق والحمار رفاص.
ستين سنه وسبعين يوم.
شبعان من حليب أمه.
شرابه خرج: لا بيعدل ولا بميل.
الشحاد ما بحبش صاحب كشكول.
شعره من دقن أبليس بركه.
صار له زمان ها القمر ما بان.
على همان يا فرعون.
ما في دخان بلا نار.
سكت سنه ونطق كفر.
قال شو إله من الاصل قاله أمبارح العصر.
قال شو إله في القصر قال صلاة العصر.
زقوني ولا تنسوني.
شوب تشهدوا فيه قال من أهل الخير.
شوب تشهدوا فيه قال طم وأخنس.
بدي ياه وتفوه عليه.
بيجيب عشرته صفر.
قتيل بطنه لا رحم.
العبوا يا ولاد واللعبه ع أمكم.
طلع من الجمل ودنه.
تاجرنا بالكفان بطلت الناس تموت.
زرعنا اللوز طلع بقدونس.
لا تقول فول حتى يصير بالمكيول.
اضرب الارض باللي خابرها.
لا تحاكيني روحي بمناخيري.
كان فيك بتع شمر وألحق.
قالت أن أسلمت ساره لا زوردت المسلمين ولا قللت النصارى.
الاس ما بينتسى.
عملوك مسحر خلص رمضان.
اشتهينا الجاجة وأكلناها بريشها.
أشد الوجع الحاضر.
أضحك بعبك.
أعمى وبعينه قشه.
أفقي له حصرمه في عينه.
ألف عيشة كدر ولا موته تحت الحجر.
ألها تم ياكل ما ألها تم يحكي.
اللي بيلاعب القط بيصبر على خراميشه.
اللي عنده مال محيره بيشتري حمام وبطيره.
اللي ما بده يجوز بنته يغلي مهرها.
اللي ما بيجي معك تعال معه.
الليما هو كاره يا ناره.
أن سلم عليك عد أصابعك.
أن كان بالدين حط رطلين.
مسبحه وانفرطت.
أول نصيب لا تفوته.
بيع الميه بحارة السقايين.
لا تشرب من بير وترمي فيه حجر.
بيطعم حاله جوز فارغ.
البطن ع لقمه والشر ع كلمه.
بطيخ يكسر بعضيه وفخار يكسر بعضيه.
بطيختين بايد ما بنيحملوش.
البعد جفا.
بعد خراب البصره.
بعد ما وصلت اللقمه للتم.
بيعوم ع شبر مي.
بلاطش خياله.
خدو البنات من صور العمات.
البنت متل مدقة الباب مين ما كان بيدقها.
بوجهين وبلسانين.
بالوجه خيي والقفا حيه.
بيبني علالي وقصور في الهوا.
البيت اللي رباني ما بينساني.
البيت اللي بتاكل منه لا تدعي عليه بالخراب.
البيت الضيق بيسع ألف صديق.
بيتخبا بخيال أصبعه.
بيتعلم البيطره بحمير النور.
بتوقاه متل العين الرمدانه.
بيحرق حاره ليولع سيكاره.
بيكض بيركض والعشا خبيرز’
بيركض ورا الرغيف والرغيف بيركض قدامه.
بيسحب الحيه من وكرها.
بيقتل القتيل وبيمشي بجنازته.
بيكره الضيف وزادته معه.
بيلهي الحمار عن عليقه.
بيمسح جوخ.
تعشاه قبل ما يتغداه.
تلاته ما بينطاقوا: الطق والنق والبق.
كمل النقل الزعرور.
بينذكر ما بينعاد.
جحا كل عمره بلا طربوش قال هالقيت برد رأسه.
الجنة بلا ناس ما بتنداس.
جوع قطك بياكل فارك، شبع كلبك بيحرس دارك.
حامل هالسلم بالعرض.
حايص مثل حاجة بدها تبيض.
حبل الكذب قصير.
الحجر مطرحه قنطار وأن تزحزح بيصير أوقيه.
الحديده حاميه.
حط أيدك في ميه بارده.
حط بالخرج.
حطوا دنب الكلب القالب أربعين سنة طلع أعوج.
الحكي ما عليه جمرك.
الحكي مش متل الشوف.
الحلاقة بالفاس ولا عيرة الناس.
خالف تعرف.
خود أسرارهم من صغارهم.
دري ما دري، دري وطنش.
الدم ما بيصير سم.
دمه تقيل مثل دم البق.
الدنيا صندوق فرجه.
الدنيا عسر ويسر.
الدنيا مع الواقف.
الدنيا ما بتخلي الراكب راكب ولا الماشي ماشي.
الدنيا وجوه وعتاب.
الدهر دولاب يوم معك ويوم عليك.
دود الجبن منه وفيه.
رايح جاي مثل مكوك الحايك.
ربنا ما عندوش حجارة.
الرجل جنا والمره بنا.
الرجال عند أقوالها.
رخيص وكويس وابن ناس.
المال السايب بيعلم الناس الحرام.
رعاية البقر ولا رعاية البشر.
الروم ما بيكسر راسه القدوم.
زاد الطين بله.
زيادة الخير خير.
سحبها متل الشعرة بالعجين.
السمكة الكبيرة بتاكل الصغيرة.
شاف الموت بعينه.
الكبير اللي بيتدلع متل الباب المخلع.
خليها عشره حلبيه.
شرط الالفه ترك الكلفه.
شرط الحقل ولا قتال البيدر.
الشغل بجوهر البدن.
شم ولا تذوق.
الكار أن ما أغني بيستر.
الكار سواره من ذهب.
الاعمار والارزاق بيد الله.
عزموا حجا ع العرس قال يا لزق الميه يا لتكسير الحطب.
زي شهود الزور بيروح راكب بيرجع ماشي.
لقمه وع الماشي.
خاتم لبيك بيكون ألك بيصير عليك.
أعطس يرحمك الله.
من طأطأ لسلام عليكم.
بدها حساب؟ واحد وواحد بساووا اتنين.
بحب لسوادها سواد الكلاب.
مدامني قدوم بدق وأن صرت مسمار دقوني.
أعطيني عمر وزتني بالبحر.
الحسود لا يسود.
الطمع ضر ما نفع.
القناعة كنز لا ينفى.
المره بلا رجال مثل البستان بدون سياج.
أربط أصبعك مليح ما بيدمي ولا بقيح.
العتب ع النظر.
شاور غيرك وأرجع ع شور نفسك.
الله يخلينا ويورينا.
إذا تفرق الحمل بينشال.
السماوات ما بتتغطى بقبوات.
شمام هوا وقطاف ورد.
المسيح نزل الارض ما أرضاش خلقه.
الصلح سيد الاحكام.
زي العشاق والمفارق.
زي العشاق والمعشوق.
نوم الصبايا للضحى.
راح الغالي ولا اسف ع الرخيص.
اللي بيقرب الدست بيتشحبر.
شده وعافيه ما أحلاها.
من ترك أشي عاش بلاه.
متل الشمعه بنور ع الناس وبيحرق حاله.
أهل الميت صبروا والمعزيات كفروا.
هون له الموت.
عمل البحر مقاتي.
عمل أجريهن قصب.
عرج الجمل من شفته.
اللي ما ألوش خميره ما ينخبزلوش عجين.
يا طالب المال بلا مال يا حامل المي في الغربال.
الايد البطاله نجسه.
اللي بياكل وحده بيروز.
احترم أبوك ولو كان صعلوك.
حبيب ماله حبيب ما أله.
الكي بالنار ولا حماتي بالدار.
أصغر منك طبك أصبر على حكم ربك.
ألف ليره ذهب وقتله بلا سبب وشنقه على باب حلب.
لا تخلف للورات إلا ورق الكرات.
اللي بجوزه أمه وأبوه الطلاق عليه هون.
عاشق بلا مال طربوش بلا داير.
من ذقنه فتلوا حبال.
مش كل الوجوه بتنقال لها مرحبى.
بيجي الموت للخوري بيبعته للخوريه.
أن كان بختك من طين عدله.
ابن العدوه عدا وعداني وابن الحبيبة راح وخلاني.
مين شاف خطوطك يا مرة الأعمى.
ما بتعير بطالتها لجارتها.
قولت آه على آه بتشفي قلب القايلها.
على بين ما تتحفتل حنه بتتسكر أبواب الجنه.
اللي يقلعها حتى أقعد مطرحها.
اللي يقلعها حتى أقعد مطرحها.
روح يا مغموم لاشممك الهوا.
أسمر برنه قاعد بالقرنه.
حلف ما يقوم بتاكله الظلمه.
زي جر الحرير ع النتش.
كل النسا حبت رجالها محبتك يا رعنه زود.
عبدالقادر قوم اشتغل، مش قادر. قوم كلو، هيني حاضر.
عجائز وقلائد ومشرمين الدنين.
الله يرحمه يبقينا أجت فيه ما أجت فينا.
نطه وفاتتكم.
خلت حالها على الرف وقامت تحتف.
زرينه ما وسعها خزقها وزقوا وراها مزربه.
لموا لمتكم أجت عمتكم استهدوا بالرحمن أجت خالتكم.
بدل الرز والباذنجان أكس حالك يا عريان.
يا اللي واقف بين الاعمى وعصاته.
ابن العازه عكازه.
طش وبش وبطانه بلا وش.
مين شبه حاله بالملك هلك.
حباب يا مرقه العدس.
يا للي ما عنده حباب بتزوره الكلاب.
أول بختك كرسي تحتك.
خير ما منه دخانه بيعمي.
زرينه ما كنست بيتها راحت كنس الجامع.
من زورد الطفر شفنا البزقه شلن.
أتعب يا مشكاح لتنام مرتاح.
يا صاحب العمر الطويل فرق ع اللي ما تهنوا.
عندي بنيه يا نسا، بتهني وتعزي وبتزور النفسا.
فقير ولابس رادنكوت وعائش من قلة الموت.
على لساني ولا تنساني.
يا ما خروف سبق أمه ع المسلخ.
وعدك يا زبوره حنينه بدها كلكول.
وقعت الفاره ع ألبسه قالت لها الله قالت لها أبعدي عني أنا بألف خير من الله.
كل الجمال بتعارك ما عدا جملنا بارك.
البيت ضيق والحمار رفاص.
ابن ليلته بيعرف شيلته.
اللي ما هو كاره يا ناره.
أيد الحر ميزان.
بدك تحيره خيره.
بشوف الألف بخمنها مأذنه.
جوابه تحت أباطه.
الجنون فنون.
بيخرب قبه وبعمر مزار.
رزق الخسيس لا بليس.
بيحلب النمله.
بيلهي الحمار عن عليقه.
تلاته ما بيتخبوا، الحب والحبل والركوب ع الجمل.
توب العيره ما بدفي وأن دفى ما بدوم.
تم النقل بالزعرور.
جبل ع جبل ما بيلتقي بني آدم ع بني آدم بيلتقي.
حايص متل الجاجة اللي بدها تبيض.
الحيط الواطي بتركبه كل الناس.
من حبي للعبيد بجن ع كلاب السود.
متل قوس الندافة طز مز ما في شي.
ما معوقنا عن السفر غير الطفر.
نزلت العبده للسوق ما استحلت غير شفاتير مسعود.
يا غافل ألك الله.
يا معزي بعد سنة يا مجدد الاحزان.
نفسه خضرا.
هالكعك مش من هالعجين.
يا طخه يا أكسر مخه.
يوم عرسه وجعه ضرسه.
يا مستعجل وقف لاقول لك.
لو كان مسك ما تحطه بجيبك.
هيه ليله يا مكاري.
الواحد ما بيتعلم ألا من كيسه.
هات للمجنون ألف عل.
يا ما بالحبس مظاليم.
قاله يا فرعون مين فرعنك؟ قال من قلة ما حدا يردني.
الله بيكسر جمل ليعشي واوي.
راح الجمل لا أسفي على الرسن.
اللي ما له عليله يقناله كحيله.
كل شارب أله واجب ولك لحيه وألها مقص.
المرا مرا ومرمره ومسمار في العنطره.
أجا الحداد للعفنه سبايب.
الكلب الاحمر بيحسب حاله من العجول.
يا من تعب يا من شقي خاب الذي أمل
واللي لا تعب ولا شقي جاب الجمل حمل.
هاش هاش وما سواش يا ريته ظل بهيبته.
زي بيرق الشنانير.
أصبع زهر بيوجعه عوقه عن الزيجة.
كل عنزه منجربه (جربانه) بتندب في ها الخربه.
أن كان أبوك البصل وأمك الثوم والريحه الطيبه من فين تجيك؟
من حظ الركاب تقاتلت المكاريه.
قهة الضهر من العهر.
البراطيل بتحل الشراويل.
يا اللي جاي بالليل ومتعش تع بالنهار وشوف.
ليش الشده يا رسول الله.
ما قدرش ع البغل ركب البردعه.
بيرش ع الموت سكر.
أنا أول من طاع وآخر من عصي.
لا باضت الجاجه ولا أكلنا عجه.
وعدتني بالحلق بخشت أنا وداني.
شرق مرق أكل اللحمة وخلى المرق.
جحا وأهل بيته عرس.
الخردق ما بيقتل خنزير.
قال الطرمس أحلى من اللوز قال هذا ضحك ع الاولاد.
ستين وشت ولا واحد ديافلو.
أن كنت مسعوده وسعدك قوي بكري ببنت وتني بصبي.

أمثال لها علاقة بالصحة
آخر الطب الكي.
أو الرشح أفرش ونام وأخرته روح ع الحمام
أخلع السن وأخلع وجعه.
البرد والقله أساس كل عله.
الحش بده رش.
اللي بيطبخ السم بيذوقه.
كول زيت وناطح الحيط.
الخبز الحاف بيربي الكتاف.
قلل طعامك تحمد منامك.
أشد الوجع الحاضر.
الدفا عفا ولو بعز الصيف.
اللي ياكل وحده يزور.
المعدة بيت الداء.
أفضل مأكول جوع وكول.
أتغذى وتمدى ولو سهوتين، واتعشى وتمشى ولو خطوتين.
اللقمة الهنية بتكفي ميه.
لاقيني ولا تغديني.
بطن مليان كيف تمام.
أكل الرجال قد فعالها.
كاسات هوا بتقيم عله بلا دواء.
اللي بياكل رغيف ما هو ضعيف.
كل شي مع العافيه منيح.
كول قبل ما تجوع وبكل قبل ما تشبع.
نقطة دم بتفرج هم.
العيا عيا والطبيب الله.
تغير الهوا أحسن من الدوا.
الثوم قتال السموم.
وجع ساعة ولا وجع كل ساعة.
العافية بتجي من خرم الابرة والمرضى بيدفق دفق.
مع السوق سوق ومع المغني غني.

المصدر : من كتاب الفنون الشعبية في فلسطين للكاتب يسري جوهرية عرنيطة

» صور ومآسي من فلسطين صور ومآسي من فلسطين لا تخفى على مسلم، والفلاش مساهمة من الأخ ماهر الحاجي
» افتراضي قاموس الامثال الفلسطينية
» فلسطين الحبيبة .سحر الطبيعة وأصالة الجذور
» عبثاً دعوت وصحت يا أحرار فلاش عن فلسطين
» خنساء فلسطين رحاب كنعان تلتقى إبنتها ميمنة بعد 20 سنة .flv